Haba Cakeuek ( Galak-galkak ku tak sigo )

 

Cakeuek tanyong bak naleueng panyang

+ Pakon panyang dikah naleueng...?
- Hana soe rot diloen hai po !

+ Pakon han karot dikah keubeue...?
- Hana soe rabe diloen hai po !

+ Pakon han karabe dikah aneuk miet...?
- Saket that pruet diloen hai po !

+ Pakon saket dikah hai pruet...?
- Bu meuntah diloen hai po !

+ Pakon meuntah dikah hai bu...?
- Kayee basah diloen hai po !

+ Pakon basah dikah kayee...?
- Ujeuen srah diloen hai po !

+ Pakon ka srah dikah ujeuen...?
- Cangguk lakee diloen hai po !

+ Pakon ka lakee dikah cangguk...?
- Manok bathuek dilone hai po !

+ Pakon ka bathuek dikah manok...?
- Kleueng tak diloen hai po !

+ Pakon katak dikah hai kleueng...?
- Siwah tak diloen hai po !

+ Pakon katak dikah siwah...?
- Galak-galak kutak sigo !!!